Kuvendi i Kosovës do të tentojë sot për herë të tretë për ta ratifikuar marrëveshjen e Demarkacionit me Malin e Zi. Ndryshimi i vetëm, pas dy përpjekjeve të para, është arritja e konsensusit mes partive shqiptare në pushtet dhe LDK-së.
Por kjo nuk mjafton që koalicioni qeverisës ta marrë si punë të kryer pasi ende nuk i ka siguruar 80 vota, aq sa nevojiten për ta ratifikuar këtë marrëveshje ndërkombëtare.
Për të arritur numrin e nevojshëm duhen të paktën edhe dy vota, siç e ka konfirmuar të martën pas mbledhjes së Krysisë së Kuvendit, shefi i grupit parlamentar të PDK-së, Memli Krasniqi.
Këto dy vota po kërkohen brenda grupit parlamentar të Lëvizjes Vetëvendosjes dhe të Listës Serbe.
Por kjo e fundit jo rrallë herë ka ndryshuar qëndrim në çastet e fundit, dhe nëse kjo ndodh edhe këtë herë, Demarkacioni mund të llogaritet si punë e kryer. Por vota pro e “Srspska”-s varet direkt nga urdhëri që do marrin nga presidenti Vuçiç.
Nëse “Srpska” përfundimisht voton kundër dhe asnjë deputet i Vetëvendosjes nuk voton pro, atëherë gjasat janë të mëdha që sot të ketë vetëm debat parlamentar por jo edhe votim të marrëveshjes. Kjo mund të ndodhë në një ditë tjetër kur koalicioni qeverisës t’i sigurojë 80 votat e nevojshme.
Ndryshe, përfaqësuesit ndërkombëtarë, ambasadori amerikan, Greig Delaëie dhe përfaqësuesja e BE-së në Prishtinë, Natalia Apostolova edhe të martën pas takimit që zhvilluan me kryeparlamentarin Kadri Veseli ju bën thirrje politikës kosovare t’i thonë “Po” Demarkacionit, siç thanë ata për t’i hapur dyert liberalizimit të vizave. /tesheshi.com/
