Pushteti në Kosovë siç duket përfundimisht është dorëzuar sa i përket rikthimit në kuvend këtë vit të projektligjit për demarkimin e kufirit me Malin e Zi, kjo pasi nuk i ka votat për ratifikim.
Por, kjo çështje sipas të gjitha gjasave do të jetë edhe vitin e ardhshëm tema më e nxehtë në politikën kosovare ku do t’i përplas pozitë e opozitë.
I vetëdijshëm se nuk po i ka votat për Demarkacionin, kryeministri Isa Mustafa është dorëzuar përfundimisht. Ai sot para kabinetit qeveritar ka propozuar formimin e një komision i cili do të bëjë vlerësimin e territorit të Kosovës.
Më tej Mustafa ka përsëritur atë që ka thënë disa herë se “Kosova rrezikon të mbetet pa liberalizim të vizave edhe në vitin 2017, në rast se nuk ratifikohet marrëveshja e demarkimit të kufirit me Malin e Zi”.
Mbetet të shihet në ditët në vijim si do ta presin opozita propozimin e Mustafës dhe nëse do të formohet apo jo një komision i tillë./tesheshi.com/
