Demarkacioni me Malin e Zi nuk do të dërgohet këtë javë në Kuvendin e Kosovës. Shkak për këtë është mungesa e votave.
Dhe për t’i siguruar ato, koalicioni qeverisës po mundohet të deputet të Vetëvendosjes, konkretisht krahun anti-Kurti, pasi duket të ketë hequr dorë nga votat e Listës Serbe.
Kryetari i Kuvendit, Kadri Veseli tha pas mbledhjes së sotme të Kryesisë se po presin të ketë konsensus pasi siç tha ai iu nevojiten edhe disa vota.
“Është në të mirën e shtetit dhe besoj shpejt do të kemi vendimmarrje. Seanca po vonohet se po duhet koncensusi na duhen edhe disa vota. Vetëm edhe një reflektim ma qytetar i një pjesë të Lëvizje Vetëvendosjes dhe kishim shku në seancë”, tha Veseli.
Ai më tej tha se “nuk është koha të na ik treni kemi humbur shumë mundësi”.
Veseli ndërkohë bëri me dije se Kryesia ka vendosur që javën e ardhshme të mbahen tre seanca plenare. /tesheshi.com/
