Presidentja e Komisionit Evropian Ursula von der Leyen, kërcënoi për veprime juridike ndaj Hungarisë nëse Orban vijon me “ligjet e reja” në kuadër të krizës koronare.
Ajo i tha Bild am Sonntag se ishte “gati për të vepruar nëse ligjet tejkalojnë atë që lejohet”.
“Kjo mund të çojë në fillimin e një procedure për shkeljen e marrëveshjes së BE”, tha Von der Leyen.
Në fillim të këtij muaji, parlamenti hungarez miratoi një ligj që i jep kryeministrit Viktor Orban më shumë të drejta ndëshkimore.
Bëhet fjalë më saktë për një ligj i cili parashikon burgim disavjeçar për të gjithë personat që zbulohen se ndërhyjnë në zbatimin e masave për të parandaluar përhapjen e virusit ose informacionit të rremë mbi pandeminë.
Kjo ka provokuar kritikat të rrepta nga anëtarët e BE-së, veçanërisht pasi Orban tashmë është në kundërshtim me partnerët evropianë mbi politikat autoritare që pretendohet se ai ndjek gjatë një dekade.
Von der Leyen vuri në dukje se masat emergjente për të luftuar epideminë janë të pranueshme, por “duhet të jenë proporcionale, të kufizuara me kohë dhe nën një kontroll demokratik”.
Ajo shtoi se për shkak të përvojave kritike në të kaluarën, KE i ka kushtuar vëmendje të veçantë situatës në Hungari. /tesheshi.com/
