Fredi Beleri, nga goja e së cilit del gjithnjë vetëm një lloj primitiviteti politik entik, kurrë me mesazhe vlerësimi për Shqipërinë apo shqiptarët, kurrë me mesazhe bashkëjetese, kurrë me ndonjë kumt shoqëror pozitiv, pa asnjë lloj finese në gjuhë e mendim, në asgjë tërheqës, ka përmendur më në fund shqiptarët – veç faktit që sipas tij janë të ardhur nga Kaukazi – duke thënë se ata duan të jenë në BE, por ndoshta Rama jo.
“Populli shqiptar dëshiron të bëhet anëtar i Bashkimit Evropian. Nuk e di nëse Edi Rama dëshiron të anëtarësohet në Bashkimin Evropian. E di që njerëzit e duan”, tha ai për MEGA-n, nën një delir të dukshëm që u gjend në Strasburg si europarlamentar, një lloj cinizmi politik prodhuar nga politika e Athinës për inat të Tiranës zyrtare.
Njeriu për të cilin besohet se ka derdhur gjak shqiptari, si pjesëmarrës në masakrën e Peshkëpisë në vitin 1995, tha se do kthehet gjithsesi për të kryer dënimin
“Atje është shtëpia ime, është jeta ime. Unë do të jem përsëri në burg edhe për pak kohë, shpresoj.” /tesheshi.com/
