Delijorgji trazon sërish politikën shqiptare: akuza qeveri-opozitë se kush i ka dhënë leje ndërtimi

Opozita pretendon se Mihal Deljorgjit, personazhit simbol të tragjedisë së Gërdecit, qeveria Rama, ose siç nënkuptohet Rama vetë, i ka dhënë një lejë ndërtimi tek Rruga e Kavajës, edhe përkundër pra vendimit në formë memorandumi për pezullimin e përkohshëm të çdo lejeje ndërtimi në gjithë territorin shqiptar.

Por qeveria ka reaguar duke thënë se leja në fjalë është dhënë nga Basha  kur qe kryebashkiak, e jo nga Rama.

“Firma e kryeministrit në këtë proces miratimi, është thjesht dhe vetëm shprehje e vendimmarrjes formale e KKT­-së mbi kërkesat e Bashkisë së Tiranës”, thuhet në reagimin e qeverisë.

Emri i Mihal Delijorgjit është bërë simbol dhe i luftës politike mes partive kryesore vitet e fundit, që kur emri i tij u shfaq në në ngjarjen tragjike të Gërdecit. Pas përfoljes se me të kishte bashkëpunuar Shkëlzen Berisha, djali i kryeministrit, ndodhi që PD-ja nisi të akuzonte më pas Ramën se i kishte dhënë leje ndërtimi Delijorgjit. /tesheshi.com/