Me ftesë të presidentit amerikan, Barack Obama, kryeministri Isa Mustafa udhëtoi drejt Nju Jorkut ku do të marrë pjesë në samitin global të liderëve kundër ISIS-it dhe kundër ekstremizmit të dhunshëm. Samiti i nis punimet në datën 29 Shtator.
Së bashku me kryeministrin Isa Mustafa do të jenë të pranishëm në këtë samit edhe zëvendëskryeministri i parë, Hashim Thaçi dhe ministri i Brendshëm, Skënder Hyseni. Në samit pritet të diskutohen arritjet e shteteve në luftën kundër ISIS dhe ekstremizmit të dhunshëm.
Sipas axhendës, gjatë vizitës në Nju York, kryeministri Isa Mustafa do të marrë pjesë edhe në konferencën Globale të “Clinton Global Initiative”, fondacionit që drejtohet nga ish-presidenti amerikan Bill Clinton si dhe në shumë takime të tjera që organizohen në anekset e punimeve të asamblesë së Përgjithshme të Kombeve të Bashkuara.
Mustafa pritet të kërkojë nga liderët e vendeve të ndryshme të botës dhe organizatave ndërkombëtare, përkrahje konkrete për anëtarësimin e Kosovës në UNESCO dhe në organizata të tjera ndërkombëtare./tesheshi.com/
