Atë që ambasadori Lu e ka kërkuar në kuadër të zgjedhjeve shqiptare, që në lista mos ketë njerëz të inkriminuar, kolegu i tij Prishtinë, Greg Delawie, e kërkon për të korruptuarit e mundshëm të cilët një ditë mund ta shohin veten me status dhe imunitet deputeti. Ndaj, ky i fundit ka bërë apel te subjektet politike, të cilat do t’i paraqesin listat e kandidatëve për deputetë, që të mos lejohen që pjesë e tyre të jenë njerëzit me aktakuza për korrupsion.
Ai, gjatë një vizite që i ka bërë Komisionin Qendror Zgjedhor ka thënë se nuk dëshiron të shohë në lista njerëz ndaj të cilëve ka aktakuza për korrupsion.
Delaëie në konferencën e përbashkët për media me kryetaren e KQZ-së, Valdete Daka, u ka bërë thirrje qytetarëve të Kosovës që të dalin në zgjedhje.
Kryetarja e KQZ-së ka thënë se institucioni që ajo drejton është e përkushtuar që të organizojë një proces të rregullt. Ajo ka falenderuar ambasadorin amerikan për mbështetjen dhe bashkëpunimin. /tesheshi.com/
