Ambasadori amerikan, Greg Delawie dhe presidenti Hashim Thaçi, ndonëse ditë më parë janë përplasur për ushtrinë sot ata i ka bashkuar mungesa e kuorumit që çojë në mosvotimin e ligjin për ekzekutimin e sanksioneve penale.
Delawie në Twitter ka shkruar: “I zhgënjyer me liderët e Kosovës që nuk grumbulluan votat për të mbyllur boshllëqet që lejojnë kriminelët me lidhje politike të sigurojnë leje për të dalë nga burgu”.
Ndërsa, presidenti Thaçi e ka quajtur kthim prapa mos votimin e ligjit nësot fjalë. “Mosmiratimi i ligjit për ekzekutimin e sanksioneve penale në Kuvendin e Kosovës është kthim prapa në përpjekjet tona për forcimin e sundimit të ligjit.
Nuk është hera e parë që Kuvendi i Kosovës dështon miratimin e ligjeve të rëndësishme në mungesë të kuorumit. Përkundër respektimit të punës dhe pavarësisë së deputetëve të Kuvendit të Kosovës, dështimet e kësaj natyre janë të pajustifikueshme”, ka reaguar Thaçi, përmes një postimi në Facebook. /tesheshi.com/
