Kombet e Bashkuara njoftuan të martën se më shumë se 300,000 civilë u vranë gjatë dhjetë viteve të konfliktit në Siri.
Sipas një raporti të Zyrës së OKB-së për të Drejtat e Njeriut, 306,887 civilë janë vrarë në Siri nga 1 marsi 2011 deri më 31 mars 2021.
Vlerësohet se në të njëjtën periudhë u vranë dhjetëra mijëra ushtarë dhe anëtarë të grupeve të armatosura.
Numri i civilëve të vrarë nuk përfshin ata që u varrosën pa dijeninë e autoriteteve.
“Këta janë njerëz të vrarë në operacione të drejtpërdrejta të luftës. Numri nuk përfshin shumë e shumë civilë të tjerë që kanë vdekur si rezultat i humbjes së aksesit në kujdesin shëndetësor, ushqim, ujë të pastër dhe të drejta të tjera themelore të njeriut”, tha Komisionerja e Lartë e OKB-së për të Drejtat e Njeriut, Michelle Bachlet.
Në raport thuhet se 143,350 civilë janë vrarë individualisht, ndërsa statistikisht është vlerësuar se 163,537 civilë të tjerë janë vrarë në luftën në Siri. /tesheshi.com/
