Një vajzë e re turke, e cila u qëllua me plumb në kokë pasi injoroi kërcënimet për të mos u shfaqur në një talent shou në televizion, ka dalë nga gjendja e komës.
19-vjeçarja Mutlu Kaya është paralajmëruar dhe është kërcënuar me jetë nëse do të merrte pjesë në konkursin e këngëve Sesi Cok Guze, një lloj spektakli me “Albanian’s Got Talent” apo “The Voice”. Kundrejt kësaj ngjarjeje ka reaguar shoqëria civile, e cila ka shprehur revoltën ndaj ndodhisë dhe mungesës së lirisë së femrave në vendin me shumicë myslimane.
Multu injoroi kërcënimet që i ishin bërë, por përfundoi me një plumb në kokë, pasi mbërriti në shtëpinë e saj në komunitetin ortodoks në provincën Diyarbakir.
Sipas babait të vajzës së re “një i panjohur hyri në gardhin rrethues të banesës dhe nga dritarja goditi 19-vjeçaren me një plumb në kokë”.
Ajo ishte duke u pregatitur për të marrë sërish pjesë në talentshou, në momentin e ngjarjes.
Multu ishte në gjendje kritike për jetën, por papritur u zgjua nga koma, ku qëndronte për më shumë se një muaj. Ajo tashmë është e ndërgjegjshme dhe ka biseduar me familjarët e miqtë. Mjekët shprehen të lumtur dhe pozitivë për gjendjen e saj shëndetësore.
Në lidhje me ngjarjen u akuzua i dashuri i vajzës, 26-vjeçari Veysel Ercan, mbi të cilin rëndon akuza e tentativës për vrasje. /tesheshi.com/
