Skulptura e Nastradin Hoxhës e dalë në shitjet on line, është një vepër arti origjinale prej bronxi e konstruktuar mbi një bazamet prej mermeri dhe në kondicion rujatje mjaft të mira.
Ajo, sipas adresimit të bërë nga shitësit, është me origjinë nga qyteti Erzurum, të rajonit të Palandokenit, Turqi. Dimensionet e skulpturës janë 80mm x 115mm x 150mm. Nga dimensionet skulptura ka përmasat e një objekti të vogël skulpturor për tavolinë. Pesha e përgjithshme e saj është rreth 767 gram.
Në biografinë shoqëruese të objektit, për personazhin e famshëm të folklorit oriental shkruhet se ai njihet në shumë vende të ndryshme si në Turqinë otomane, Persi, Arabi, Uzbekistan, Bosnjë, Shqipëri, etj. Ky personazh interesant, mjaft i kultivuar për bëmat e tij intriguese i shumë përrallave dhe anektodave të thekura, besohet se ka jetuar dhe vdekur gjatë shekullit të 13-të në Eksishehir, kryeqyteti i Sulltanatit të Selxhukëve në Turqinë e sotme.
Nastradin Hoxha shfaqet në mijëra tregime të mrekullueshme popullore, me humor mjaft të mprehtë, por në disa zona është trajtuar edhe sikur hiqej i leshtë, i prapambetur për ta bërë me prekëse shakanë.
Por tregimet e tija shquhen zakonisht për humorin delikat dhe natyrën pedagogjike të fabulave. Datëlindja e Nastardin Hoxhës festohet në mes te muajit Korrik mes datave 5 dhe 10 në dhjetra vende të ndryshme të cilat pretendohen si vendlindje të Nastradinit, fenomen ky i njohur me grindjet e qyteteve greke për vendlindjen e Homerit.
Ankandi on line ka filluar me 1 $ dhe ka përfunduar me shitjen e skulpturës së humoristit mesjetar me 49 $.
Përgatiti Mark Brunga – tesheshi.com
