Kompania e njohur ajrore e Shteteve të Bashkuara Arabe, Etihad ka prezantuar biletën kthyese Londër-Melburn, e cila kushton mbi 80,000 dollarë.
Ky aeroplan iu ofron pasagjerëve udhëtim në një suitë luksoze tre-dhomëshe të Airbus A830, të quajtur “Rezidenca”.
Aeroplani, i cili është përshkruar si “apartamenti në qiell”, ka të gjitha komoditetet e një hoteli me 5 yje.
Me 125 metra katror, kjo suitë është në disponim të klientëve “single” apo në çift, me shërbëtorin e vet të trajnuar në “Savoy” dhe shefin e bordit.
Është e pajisur me shtrat dopio si dhe banjo, ku mysafirët mund të freskohen.
Secili fluturim i Etihad’s A380 ka “dadon fluturuese”, të trajnuar në Kolegjin Norland në Bath.
Bileta përfshin dhe rrugën për në aeroport dhe nga aeroporti në destinacion, check-in të veçantë, VIP sallon me bar, dhe shërbëtorin personal për të porositur bileta për ngjarje të ndryshme sportive apo koncerte, si dhe për rezervim të tavolinës në ndonjë restoran.
Çmimi i biletës është 4,500 dollarë më i lartë sesa ishte deri më tani, ajo bileta kthyese nga New York në Mumbai.
“Etihad Airëays për momentin operon me tre shërbime të përditshme me A380 nga Londra për në Abu Dhabi, kështu që udhëtarët tanë tani e tutje do të mund të gëzojnë lehtësitë dhe komoditetin e klasit të parë të një shërbimi të plotë në A380 përgjatë gjithë rrugës deri në Melburn”, tha shefi i marketingut të kompanisë, Shane O’Hare. /tesheshi.com/
