Ndërkohë që fotografitë dhe videot e zjarrit të tmerrshëm që ka shpërthyer në Kanada kanë marrë botën, ekspertët shprehen se zjarri mund të zgjerohet tutje.
Policia dhe ushtria kanadeze po mbikqyrin karvanin e qindra automjeteve, të cilat po braktisin zonat e përfshira nga zjarri për në vende më të sigurta, ndërsa evakuimi do të vazhdojë edhe përmes rrugëve ajrore.
Zjarri ka përfshirë deri më tani një sipërfaqe mbi 1.000 kilometra katrorë, ndërsa sot pritet të evakuohen rreth 4.000 njerëz.
Për shkak të zjarrit, të mërkurën janë evakuuar 88.000 banorë të Fort McMurray, ku janë shkatërruar ose dëmtuar 1.600 shtëpi. Deri tani nuk ka vdekur, as të lënduar, ndërsa në krahinën Alberta është shpallur gjendja e jashtëzakonshme.
Siç kanë bërë të ditur zyrtarët, janë shkaktuar dëme të mëdha materiale. /tesheshi.com/
