I ashtuquajturi aksion i dekriminalizimit po shkon gjithnjë e më shumë të shuhet si një flluskë sapuni.
Kjo, jo vetëm se asnjë nga deputetët nuk dolën të “prekur” nga njolla e lidhjeve me krimin – pasi letrat janë pastruar prej kohësh – por dhe se askush nuk mund t’i largojë të quajturit “të fortë” nga politika me ligj. Siç mësohet, në zgjedhjet e 2017-s thuajse të gjithë deputetët që kanë dalë nga partitë kryesore dhe i përkasin kësaj kategorie do të kandidojnë sërish.
Tom Doshi do të kandidojë sërish në Shkodër dhe do të jetë në listën e Partisë Socialdemokratte të Skënder Gjinushit. Kurse kaubojsi i Lezhës, Eduard Ndocaj do të dalë si kanddidat i bashkimit të partive demokristiane po në qarkun Lezhë. Mhill Fufi pritet të garojë në listat e Partisë Agrare të Agron Dukës. Dhe ka shumë gjasa që të gjithë këta të zgjidhen pasi gëzojnë një marrëdhënie të mirë me zgjedhësit. Kjo pasi ata kanë punuar mirë në komunitet duke zgjidhur ndere e kryer punë.
Por edhe njerëzit, duke parë se përballë kanë dy takëme njerëzish, politikanët e njëjtë të të gjitha krahëve që moralin nuk e njohin por vetëm premtojnë e s’mbajnë fjalën; dhe nga ana tjetër, “të fortët” që “nuk e bëjnë fjalën dysh” por zgjidhin shumë halle njerëzish, kanë preferuar këtë të fundit.
Ja të marrim rastin e Tom Doshit.
Për një grup popullsie në Shkodër, kryesisht në zonën e Nënshkodrës dhe fshatrave të rrethinave të qytetit, Toma është pikë reference. Kanë një fatkeqësi? Kërkojnë ndihmë te Toma! Iu duhen lekë borxh? Ia marrin deputetit Doshi! Iu krijohen probleme me policinë apo me organet e tjera shtetërore? I telefonojnë Tomës! Kanë halle sëmundjesh në spital apo analiza të shtrenjta? Jua zgjiddh deputeti i tyre që mban kontakt direkt me mijëra persona, dhe herë pas here shtron dreka e darka të mëdha me 400 burra në Shkodër ku flet personalisht me të gjithë.
Dhe të gjitha këto takime, Doshi i bën natyrisht në funksion të fushatës së ardhshme, duke e ditur se nuk do të kandidohet nga Partia Socialiste. Në zgjedhjet vendore të vitit 2015, njerëzit e Tom Doshit janë zgjedhur në këshillin bashkiak në listat e Partisë Socialdemokrate. Ata këshilltarë janë të domosddoshëm në ekuilibrat politikë të këshillit bashkiak, ku asnjëra nga partitë e mëdha nuk gëzon shumicën absolute. Madje edhe Partia Demokratike dhe kryebashkiakja Voltana Ademi, që aq shumë e ka mallkuar Doshin, prej një vitti miraton akte dhe qeveris me votat socialdemokrate të Tomës.
Por jo vetëm Toma, por edhe Mhilli, kaubojsi apo edhe deputetë të tjerë rrezikojnë të zgjidhen sërish.
Ndaj dhe mekanizmi i zgjedhur burokratik me mbushje formularësh ka rezultuar jo efektiv dhe natyrisht ata që nxorën nga dera do t’i hyjnë nga dritarja. Dhe ndoshta më të fuqizuar dhe më me popullaritet.
Politika nuk ka rrugë tjetër që të fitojë një mbështetje, vetëm se të vendosë njerëz përfaqësues dhe me integritet që të konkurojnë denjësisht me të fortit.
Një i ndershëm me mbështetje, padyshim që do të jetë alternative më e përshtatshme për njerëzit, por duke e ditur se i ndershmi nuk cilësohet si “budalla” nga të pushtetshmit që kanë kredo morale shumë më të ulët sesa të ashququajturit të “kriminalizuar”.
Fundja vjedhja është krim më i shëmtuar se rrahja publike apo edhe zgjidhja me forcë e problemeve në biznes. A nuk ishin politikanët që u kapën nga klasa e të fortëve dhe që i përdorën për të marrë vota, sepse vetë nuk po çanin dot?!
/tesheshi.com/
