Komisioni Qendror i Zgjedhjeve vendosi heqjen e mandatit për deputetin e PDIU, Aqif Rakipi dhe atë të LSI, Gledion Rehovica. Pas marrjes së praktikës nga Prokuroria, KQZ dëgjoi avokatët e dy ish-deputetëve që deklaruan se klientët e tyre po procedohen pa prova. Dy ish-deputetët u proceduan për shkelje të ligjit të dekriminalizimit, pasi nuk kishin plotësuar me vërtetësi formularin.
Dy ditë më parë Komisioni Qendror i Zgjedhjeve i kërkoi Prokurorisë që t’i vendosë në dispozicion gjithë praktikën e ndjekur për dy deputetët, duke e cilësuar kërkesën si të paplotë në informacion.
Për deputetin e LSI-sw, Gledion Rehovica Prokuroria arsyeton se nuk e ka plotësuar saktw formularin e dekriminalizimit, ku dyshohet se ka përdorur dhe një emër tjetër.
Ndërsa për deputetin e PDIU Aqif Rakipi janë ngritur dyshime se ka qenë i dënuar në Itali. /tesheshi.com/
