Këshilli Qendror i Zgjedhjeve iu ka hequr ditën e sotme mandatin 18 këshilltarëve bashkiakë, të cilët nuk kishin dorëzuar fare formularin e vetëdeklarimit, i cili u kërkua në kuadër të zbatimit të dekriminalizimi.
Ndërkohë, sicc u tha në mbledhjen e KQZ-së, ka edhe disa këshilltarë të tjerë, të cilët ose e kanë dorëzuar në institucione të tjera, për shkak se kanë edhe një punë të dytë, ose e kanë dorëzuar një apo dy ditë pas afatit zyrtar.
Për këta këshilltarë u mor vendimi unanim që formulari të pranohej, për shkak se siç u arsyetua, vullneti politik individual mbizotëron mbi afatin kohor.
Mandatet e ndërprera të 18 këshilltarëve bashkiakë u përkasin edhe mazhorancës, edhe opozitës. 4 prej tyre janë socialistë, 6 janë demokratë dhe pjesa tjetër janë aleatë të dy forcave të mëdha, ku bie në sy se LSI nuk ka asnjë këshilltar me mandat të ndërprerë. /tesheshi.com/
