Kreu i Partisë Demokratike, Lulzim Basha, ka deklaruar një ditë pas miratimit me unanimitet të ligjit kundër dekriminalizimit, se ky ligj është një arritje e madhe për Shqipërinë, ndërsa ia atribuoi Partisë Demokratike, inicimin e tij.
“Dekriminalizimi lindi si një ide e opozitës, dhe i mbijetoi të gjitha intrigave dhe makinacioneve të kryeministrit Rama. Ideja e madhe e pastrimit të politikës nga trafikantët, banditët, vrasësit është prej sot një paketë e plotë ligjore”- tha Basha.
Ai garantoi se paketa e dekriminalizimit do të zbatohet pikë për pikë nga vetë ai, nga PD, funksionarët dhe të zgjedhurit e saj, ndërsa shtoi se ka shenja të qarta se Edi Rama nuk ka ndërmend ta bëjë të njëjtën gjë.
Basha tha se PD do t’i prijë betejës për votën e lirë, ndërsa paralajmëroi se protestat dhe mosbindja civile do të shtrihen në mbarë vendin./tesheshi.com/
