Presidenti Ilir Meta ka dekretuar 9 shtatorin si datën kur do të mblidhet Kuvendi i ri i dalë nga zgjedhjet e 25 qershorit.
“Mbledhja e parë e legjislaturës së IX të Kuvendit të Republikës së Shqipërisë, thirret ditën e shtunë, datë 9 shtator 2017, ora 10.00. Neni 2 Ky dekret hyn në fuqi menjëherë”, thuhet në njoftimin e Presidencës.
Në mbledhjen e parë të kesaj legjislature, ngrihet Këshilli i Verifikimit të Mandateve, i cili del me një raport të posaçëm për konstitutimin e Kuvendit të ri dhe verifikimin e mandateve të secilit prej deputetëve. /tesheshi.com/
