Disa kryebashkiakë italianë refuzon të aplikojnë një dekret anti-emigrant të ministrit të Brendshëm Matteo Salvini, njëherësh zv/kryeministër, duke e gjykuar atë si çnjerëzor dhe që inkurajon krimin.
“Është një dekret çnjerëzor, sepse shkel të drejtat e njeriut dhe nxit krimin, pasi kthen në ilegalë persona që në mënyrë legjitime janë në territorin tonë”, tha ai të enjten kreu i Palermos, Leoluca Orlando, pasi njoftoi se do pezullojë zbatimin e dekretit mbi sigurinë dhe emigracionin, në pjesën i referohet kompetencave komunale,.
Orlando po udhëheq këtë rebelim kundër udhëheqësit të fuqishëm të së djathtës ekstreme, duke qenë vetë një i majtë.
Orlando ka kontestuar sidomos atë masë që ndalon njerëzit të cilët kanë leje për të qëndruar në territorin italian për të marrë të drejtën e qëndrimit të përhershëm. Kryebashkiakët mund të privohen nga e drejta për të lëshuar një ID personale ose regjistrim në sistemin shëndetësor kombëtar.
Salvini iu përgjigj me një video të postuar në Facebook, ku thoshte: “Ju nuk doni të dëgjoni? Unë nuk do të dërgojë ushtrinë”, tha ai me ironi.
Orlando shpjegoi se kjo nuk është një mosbindje civile e as kundërshtimi i ndërgjegjshëm, por thjesht zbatimi i të drejtave kushtetuese për të gjithë që jetojnë në vend.
Në nëntor, Salvini solli një dekret polemik që forconte në masë të madhe politikat e emigracionit.
Dispozita kryesore eliminon lejet e qëndrimit për arsye humanitare deri më tani të pranuara nga grupet vulnerabël, familjet ose vetë gratë me fëmijët.
Në gjashtë muaj, Salvin i LEGA-s pothuajse ka bllokuar ardhjen e emigrantëve, por ekspertët kanë frikë se masat e reja të rrepta mund të rrisin numrin dhe margjinalizimin e emigrantëve të paligjshëm dhe kështu të rrisin pasigurinë në vend.
Kryetari i bashkisë së Palermos po udhëheq një protestë të kolegëve nga Napoli, Firence dhe Parma.
Orlando ka njoftuar se do të shkojë në gjykatë për hir të ligjit dhe do të kërkojë një vlerësim të kushtetutshmërisë së dekretit.
Nga ana tjetër, edhe kryetari i Bashkisë së Napolit është rebeluar ndaj Salvinit. Luigi de Magistris, edhe ky nga qendra e majtë, tha se kreu i LEGA-s po luan me jetën e njerëzve për shkak të pikëpamjeve të tij politike.
“Të kësh njerëzit dhe fëmijët në mes të një deti të ftohtë dhe të stuhishëm, jo vetëm që është e pahijshme, e pamoralshme dhe e tmerrshme, por është dhe një krim”, tha ai. /tesheshi.com/
