Nuk qenka thjesht çështje emrash. Ashtu siç me Saimir Tahirin në krye të Rendit, edhe me Fatmir Xhafajn, Prokuroria e Policia shfaqen si rivale dhe jo partnere.
Në një dalje të fundit për mediat, ministry Xhafaj ka nxjerrë të larë policinë në lidhje me dekonspirimin e operacionit për kapjen e tre ish-krerëve të policisë së Vlorës, duke dhënë të kuptuar se përgjegjësia bie mbi Prokurorinë.
Xhafaj tha se tre ish-drejtuesit nuk kanë qenë në vëzhgim nga Policia e Shtetit. Ai theksoi se duhet të pyetet Prokuroria që të japë përgjigje se me kë institucion i ka ndjekur ata.
“Nuk ishin nën vëzhgimin tonë. Policia nuk ka pasur dijeni, nuk ishte në dorën tonë. SHÇBA i mori faktet në 22 nëntor nga Prokuroria. Duhet të pyesni Prokurorinë se me kë i ka pasur në vëzhgim, jo me policinë“, theksoi kreu i Rendit.
Një ditë më parë, Xhafaj bëri një kallzim në Prokurori, pikërisht për të hetuar se nga kush u dekonspirua operacioni. Por nga ana tjetër, tre të kërkuarit janë “zhdukur” krejt mistershëm, një përgjegjësi dhe e policisë, kur është fjala për moskapjen e tyre. /tesheshi.com/
