Presidenti i Shteteve të Bashkuara Donald Trump tha se ai dëshiron të mbajë një ushtri në Irak që të jetë në gjendje për të monitoruar Iranin për shkak se “ky vend është një problem i vërtetë.”
“Ne kemi shpenzuar një pasuri për të ndërtuar këtë bazë të pabesueshme (Al-Assad në Irak). Një nga arsyet pse unë dua të mbaj, është ajo që dua për të vëzhguar Iranin, sepse Irani është një problem real”, ka thënë Trump në një intervistë me CBS.
Ai tha se nëse Irani dëshiron të prodhojë armë bërthamore, Uashingtoni do ta dijë për të përpara se të ndodhë.
“Ne do të vazhdojmë të vëzhgojmë nëse ka ndonjë problem, nëse dikush dëshiron të bëjë një armë bërthamore apo gjëra të tjera. Ne do të dimë këtë para se të ndodhë”, ka thënë Trump.
Duke folur për Afganistanin, Trump tha se ka në plan të mbajë vetëm një numër të vogël trupash në këtë vend dhe se forcat amerikane mund të kthehen atje nëse është e nevojshme. /tesheshi.com/
