24 orë pas grabitjes së bujshme në Rinas të 10 milion eurove, është bërë së fundi i “gjallë” dhe kryeministri Rama.
Edhe shefi i qeverisë, përgjegjësinë për atë që ndodhi ia lë kinezëve që menaxhojnë Rinasin, atyre që e morrën “Nënë Terezën” nga gjermanët e Siemens pak vite më parë.
Reagimi i Ramës erdhi pas TIA – Tirana International Airport – dha një deklaratë për shtyp duke iu kundërvënë, me një gjuhë të kujdesshme por me nënteskt k të fortë padakortësie, ministrit Lleshaj, që gjithashtu fajësoi konçensinarin kinez.
“TIA ka qenë korrekte në përmbushjen e detyrave të saj në lidhje me ngjarjen sipas të gjitha rregullave dhe procedurave. Autoriteteve të hetimit u janë dorëzuar të gjitha dokumentet që provojnë, se ky njoftim është kryer në kohë kundrejt sallës operative të policisë në Rinas. TIA në bashkëpunim me Autoritetin e Aviacionit Civil Shqiptar, gjatë këtyre tre viteve nga ngjarja e ngjashme në aeroport në 2016, ka marrë masa shtesë dhe ka ngritur në një nivel më lart sistemin e kamerave dhe gardhin rrethues.
TIA është pjesë e auditimeve periodike qoftë nga Autoriteti i Aviacionit Civil, qoftë nga palët e treta. Bëjmë thirrje dhe lutemi për vëmendje të kuptojmë të gjithë, se forcat e policisë janë të pranishme në çdo cep të aeroportit si objekt i rëndësisë së veçantë, si zonë kufitare dhe policia e ka detyrë ligjore, për të ruajtur rendin dhe jetën e qytetarëve në rast incidenti të armatosur”, u tha në deklarata.
Prej këtij momenti, u bë i “gjallë” dhe Rama, deri në cilësimin si “veshëgjatë” ndaj akuzuesve të policisë. “Kompania kineze që bleu aeroportin nga e mëparshmja, dështoi njësoj si në garantimin e sigurisë. Shteti shqiptar s’do pranojë asnjë justifikim nga kompania dhe do marrë kontrollin e perimetrit të jashtëm e të sigurisë së brendshme. Respekt për policinë që sulmohet veshëgjatësisht”, u shpreh Rama. /tesheshi.com/
H
