Presidenti Vuçiç nuk është ndjerë aspak mirë nga deklarimet e homologes kroate në Tiranë, Kolinda Grabar-Kitaroviç, e cila shpalli shqiptarët si “vëllezër”. Një qëndrim të tillë, Vuçiç e ka përkthyer si karshillëk ndaj serbëve e ndaj është shprehur se “nuk ndihet i frikësuar aspak” nga kjo.
“Shqipëria ishte miku ynë kur kishim nevojë…Shumë shqiptarë sakrifikuan jetën e tyre për Kroacinë, dhe më besoni -. Kroacia nuk do ta harrojë këtë”. Ne ishim vëllezër të armëve…”, ishin disa frazat e Kitaroviçit, të cilat kanë shqetësuar Vuçiçin.
Serbia nuk ka kërkon vëllezërit, por miq”, tha kreu i shtetit serb, duke mos qenë dakort as me këtë status marrëdhëniesh mes kroatëve dhe shqiptarëve.
“Sa prej tyre (shqiptarëve) humbën jetën për Kroacinë nuk më intereson. Nëse dikush mendon se unë jam frikësuar, i them se kjo nuk më tremb aspak”, tha Vuçiç. Kujtojmë se kohët e fundit, kanë patur një riacarim të raporteve delikate serbo – kroate. Dy vendet trashëgojnë një armiqësi ndaj njëra-tjetrës, e reflektuar dhe në luftën mes tyre në fillim të viteve ’90. Ndaj mes tyre zë fill në Luftën e Dytë Botërore, ku kroatët patën regjimin ustash, bashkëpunues me fashizmin, për të cilin serbët pretendojnë se janë keqtrajtuar. /tesheshi.com/
