Deri më tani ishte fjala vetëm për përgjime me zë, pa figurë; por Dosja 339 i paska të dyja.
Drejtuesja e Krimeve të Rënda Donika Prela, ka folur për herë të parë për të bujshmem me tre numra – “339”, duke konfimruar se ajo është më gjigandeskja në historinë e akuzës shqiptare me plot 74 persona nën hetim.
“E them pa frikë që kjo eshte dosja me e madhe qe ka pasur prokuroria shqiptare ne historine e saj. Duke parë rëndësinë e madhe të çështjes, por dhe sensitetin e saj, numrin shumë të madh të personave në hetim me masa të ndryshme sigurimi, ku aktualisht numri i personave në hetim ka shkuar në 74 persona”, u shpreh Prela.
E ndërkohë, ajo zbuloi dhe detajin tjetër; atë që përveç numrit të madh të CD-ve, ka dhe përgjime me DVD, pra dhe filmime. Që do të thotë ne formatin “zë e figurë”.
“Në kuadër të hetimeve, janë administruar gjithsej 624 CD me regjistrime të përgjimeve elektronike dhe 115 DVD. Nga këto, janë 110 CD për vitin 2017, 479 CD për vitin 2018 dhe 35 CD për vitin 2019. Sqarojmë se referuar Informacionit që më është vënë në dispozicion nga dy prokurorët e çështjes, në momentin e ngritjes së grupit hetimor nga ana e drejtuesit të prokurorisë tetor 2018, të gjitha CD e administruara kanë qenë të patranskriptuara në tërësi dhe vijimësi, por ka pasur transkripte të pjesshme, vetëm të disa numrave të veçantë, dhe në mënyrë sporadike”, tha Prela.
Ndërsa për pjesën më delikate, atë të nxjerrjes së përgjimeve në publik, ku qartazi bëhet fjalë për shantazh politik, gruaja në krye të Krimeve të Rënda u mjaftua të thotë sepo hetohet.
“Janë duke u kryer hetime edhe për faktet e nxjerrjes së sekreteve hetimore për të cilët është caktuar një prokuror i veçantë. Prokuroria e Krimeve të Rënda është duke kryer hetimet veçanërisht për shkeljet në fushën e zgjedhjeve por edhe për nxjerrje të sekretit hetimor. Në dijeninë time Prokurorët e çështjes nuk janë në hetim”, tha Prela. /tesheshi.com/
