Grupi i studentëve që janë ngujuar në disa fakultete, më sakte të Juridiku dhe Ekonomiku, kanë dalë me një deklaratë në një përpjekje për të sqaruar se kauza e tyre nuk është partiake.
“Nëse mendoni se jemi partiak, atëherë në djall shkofshi edhe ju me to, pasi nuk kemi pranuar asnjë politikanë dhe nuk do të pranojmë sepse sot jemi vetëm opozita e munguar dhe jemi pozita që duhet”, shprehen ata, me anë të një deklaratë ku në fund të saj ka vetëm një nënshkrim ironik.
“Jemi këtu sepse mendojmë se kjo shkollë të vetmen gjë që ka është infrastruktura e mendimit idealist.
Kemi dëgjuar lloj-lloj sulmesh që synojnë përbaltjen e kësaj lëvizje të pastër. Disa nga ne dolën partiakë, disa si pjesë të organizatave të paorganizuara dhe në fund si një grup huliganësh.
Ju lutem, mjaft na përbaltët sepse dielli i shpresës do të shkëlqejë edhe përmes reve të keqinformimit”, shprehen ndër të tjera në deklaratë.
Protesta e tyre u devijua me ngujim në auditore, pas tkurrjesnë kushte bulevardi.
Qeveria ka publikuar listimin e plotësimit të një pjese prej 8 kërkesave e qëndrimin për disa të tjera, duke ftuar për dialog në realizimin e një Pakti të ashtuquajtur prej sa për Universitetin. Por një pjesë nuk binden, e nuk janë të kënaqur me qasjen kryeminstrore, e ndaj kanë vendosur ta vijojnë protesstën. /tesheshi.com/
