Katër diplomaci të fuqishme perëndimore në Kosovë, kanë reaguar së fundit për ngjarjet e djeshme në Prishtinë.
Por ndryshe nga fryma e dominante e opinionit kosovar i cili po dënon mënyrën e arrestimit të Albin Kurtit, llojin e ashpër e të paprecedentë të ndërhyrjes policore në selinë e një partie e duke prangosur një lider politik e njëherësh një deputet, diplomacitë e SHBA, Bratanisë, Francës dhe Italisë, e kanë përkrahur atë që ndodhi.
Edhe pse me një gjuhë të latuar diplomatike, duke e nisur deklaratën e tyre me përgëzime ndaj paqes që mbizotëroi gjatë manifestimit të opozitës, mes rreshtash, por dhe drejtpërdrejt, ata janë pozicionuar kundër opozitës dhe pro aktit policor që u angazhua në arrestimin e Albin Kurtit.
Ja deklarata:
Ambasadat e Francës, Italisë, Mbretërisë së Bashkuar dhe SHBA-së, kanë përcjellur nga afër ngjarjet e ditëve të fundit,në Kosovë.
Jemi të kënaqur që demostratat ishin paqësore dhe duam t’i përgëzojmë të gjithë pjesmarresit, e sidomos Policinë e Kosovës.
Ne besojmë në fuqinë e dialogut si mjet për të zgjidhur mosmarrëveshjet politike dhe inkurajojmë të gjitha palët t’i shfrytëzojnë mundësitë e ndryshme për dialog, duke përfshirë këtu edhe brenda Kuvendit.
Jemi të përkushtuar në fuqizimin e sundimit të ligjit në Kosovë. Ne besojmë që asnjëri nuk është mbi ligjin.
Ne presim dhe kërkojmë që të gjitha procedurat të përcillen me përpikmëri duke i shërbyer transparancës, e sidomos në rastet e ndjeshme politike dhe ne do të vazhdojmë të përcjellim nga afër rasted ku përfshihen anëtarët e Kuvendit.
Ashtu siç është rasti në shtetet tona, presim që në demokracinë e barabartë për të gjithë edhe përfaqësuesit politik t’i nënshtrohen ligjit pa marrë parasysh cilës parti ata i takojnë.
/tesheshi.com/
