Ambasada e Shteteve të Bashkuara në Tiranë ka zbuluar faktin se arrestimet e njerëzve të LSI-së me lekë dhe lista zgjedhjesh, kanë ardhur pas denoncimeve të vëzhguesve ndërkombëtarë, kryesisht atyre amerikanë.
Kjo bëhet e qartë sot, në një deklaratë që u shpërnda nga ambasada amerikane në Tiranë, e cila thekson se shumica e njerëzve që u denoncuan për blerje vote janë arrestuar.
Ndërkaq SHBA vlerëson policinë dhe institucionet shqiptare për mbarëvajtjen e procesit zgjedhor.
Deklarata e plotë:
“Shtetet e Bashkuara urojnë qytetarët shqiptarë për ushtrimin e të drejtës së tyre demokratike të votës në zgjedhjet parlamentare të 25 qershorit, 2017. Votimi u krye me efikasitet dhe në mënyrë paqësore në pjesën më të madhe të Qendrave të Votimit.
Ne përgëzojmë punonjësit dhe vëzhguesit e përkushtuar të zgjedhjeve së ditës së votimit, të cilët punuan gjatë një dite feste kombëtare dhe të nxehti ekstrem, për të përmbushur detyrat e tyre.
Vëzhguesit ndërkombëtarë dëshmuan incidente të blerjes së votës, fotografimit të fletës së votimit, dhe presoni ndaj votuesve. Zyrtarët e zgjedhjeve dhe forcat e rendit iu përgjigjën pjesës më të madhe të këtyre ankesave, disa prej të cilave përfunduan në arrestime.
Edhe pse disa nga shkeljet zgjedhore të dëshmuara ishin serioze dhe duhen adresuar, ato nuk ishin aq të përhapura sa të ndryshonin rezultatin e përgjithshëm të zgjedhjeve”. /tesheshi.com/
