Ndërkohë që në politikën shqiptare po diskutohet me turfullime për votën e Shqipërisë në OKB, ambasada amerikanë në Tiranë ka shpërndarë një deklaratë, ku “injorohet” qëndrimi i Tiranës zyrtare.
Ambasada e SHBA-së në Tiranë sapo ka shpërndarë një deklaratë zyrtare pas votimit në OKB për Jerusalemin ku thuhet :“Deklarata e Presidentit afirmoi realitetin e tanishëm dhe historik të Jeruzalemit si kryeqytet i Izraelit. Shtetet e Bashkuara pranuan të vërtetën e thjeshtë se Jeruzalemi është qendra e legjislaturës, kryeministrit dhe gjykatës së lartë të Izraelit. Ne do të vazhdojmë të punojmë për paqen. Një proces që shpresojmë do të ofrojë rezultatin më të mirë si për popullin izraelit ashtu dhe atë të palestinez”.
Bie në sy se në deklaratën zyrtare të Uashingtonit, të kontekstualizuar edhe për Shqipërinë, ka dy shtylla të rëndësishme.
E para është që jo vetëm që nuk flitet për ndëshkim ndaj Shqipërisë, por nuk përmendet fare qëndrimi i Tiranës.
Nga ana tjetër, në deklaratën zyrtare nënvizohet me qëllim se edhe pse SHBA njeh një realitet që e ka njohur Izraeli, ajo angazhohet për të punuar në procesin e paqes mes izraelitëve dhe palestinezëve.
/tesheshi.com/
