Ish-këshilltari i presidentit amerikan Donald Trump tha se është “toksike” atmosfera që ishte krijuar në Uashington gjatë hetimit të ndërhyrjes së mundshme ruse në zgjedhjet presidenciale të SHBA në vitin 2016.
I vendosur pas përpjekjeve për bashkimin e Judeo-Kristianizmit perëndimor me Rusinë, Bannon, një ish-strateg shefi i Shtëpisë së Bardhë, tha në një intervistë me gazetarët në Romë tha se Kina e jo Rusia është kërcënimi kryesor për Perëndimin, raporton AP.
Bannon i cili ndodhet në Itali duke punuar në bashkimin e votuesve nacionalistë para zgjedhjeve për Parlamentin Evropian më 22 maj, vlerësoi punën e hetuesit special Robert Muller, hetimi i të cilit zbuloi se selia elektorale e presidentit Trump nuk ka bashkëpunuar me rusët.
“Në fund ne duhet të kemi një bashkim të Judeo-Kristianizmit perëndimor dhe Rusia është pjesë e tij, por kjo do të marrë shumë, shumë dekada”, tha Bannon.
Bannon, i cili është katolik, sulmoi gjithashtu dhe Papa Françeskut, në lidhje me simpatinë e këtij të fundit për emigrantët, duke thënë se ai të përqëndrohet në përmirësimin e situatës në kishë, për shkak të akuzave të abuzimit seksual dhe të qëndrojë larg politikës. /tesheshi.com/
