Bashkëkryetari i fushatës presidenciale të Trump në Nju Jork, që bëri deklarata malcuese dhe rraciste rreth Barack dhe Michelle Obamës nuk do të japë dorëheqjen nga bordi i shkollës së Bufalos, edhe pse ky i fundit votoi unanimisht një ditë më parë për ta shkarkuar atë.
Milioneri Carl Paladino, tha për një gazetë alternative, javën e shkuar se dëshironte ta shihte presidentin të vdekur nga sëmundja e lopës së çmendur ndërsa Zonjën e Parë duke jetuar me një gorillë në Zimbabve.
Pasi kishte bërë këto deklarata duke thënë se “nuk kanë të bëjnë aspak me rracën”, më pas ai tha edhe se ato ishin shembuj të humorit të stilit të vjetër që kishin për synim “të zgjonin njerëzit… të tërhiqnin vëmendjen e tyre”.
Gazeta “Artvoice”, e kishte përfshirë 70-vjeçarin Paladino mes një numri personalitetesh të cilët i kishte pyetur se çfarë do donin të ndodhte në vitin 2017.
“Ai të vdesë përpara gjykimit dhe të varroset në një kullotë lopësh pranë Valerie Jarret (ndihmëse e Obamës), e dënuar për tradhti dhe kryengritje, por që një një shok qelie xhihadist e keqkuptoi për një person të mirë dhe ia hoqi kokën”
Rreth Mishelë Obamës ai tha: “Do të doja të kthehej në burrë dhe të çlirohej në Zimbabve ku ajo mund të jetojë rehatshëm në një shpellë me Maksin, gorrillën”.
Me anë të nje deklarate, Paladino ka folur për “dy mosmirënjohës progresivë elitist që e kanë urryer vendine tyre aq shumë dhe që shkatërruan përbërjen në kaq shumë mënyra gjatë tetë vjetëve”.
Më pas, ai tha se fjalët e tij nuk ishin thënë për t’u publikuar por megjithatë ishin “të papërshtatshme”.
Në një takim special të enjten, bordi i shkollës së Bufalos votoi 6 me 2 për një rezolutë ku i kërkohej komisionerit shtetëror të arsimit për ta larguar Paladinon, anëtarin e nëntë të bordit, nëse ai nuk jep dorëheqjen brenda 24 orësh. Më shumë se 70 për qind e distriktit nuk është e bardhë, sipas rezolutës.
Takimi u transmetua online. Disa anëtarë të bordit akuzuan Paladinon se po vepron si kokorroç dhe se bën deklarata që nuk do tolerohen nga nxënësit.
“Ky nivel urrejtjeje për afro-amerikanët nuk mundet dhe nuk duhet të vendosë politikën e arsimit tek fëmijët”. Gjithë bordi dhe audienca u ngritën në këmbë dhe brohoritën ku u miratua rezoluta.
Paladino, i cili nuk ishte i pranishëm, tha se nuk do të japë dorëheqjen. Të mërkurën, ai tha për një stacion lokal radioje: “Jam agjent ndryshimi. Jam personi që ka zbuluar sistemin e tyre shkollor të korruptuar dhe jofunksional, dhe ata duan të më largojnë nga skena”.
Komisionerja shtetërore e Arsimit, MaryEllen Elia, po monitoron situatën dhe do të rishikojë çdo kërkesë për shkarkim sa më shpejt të jetë e mundur.
Komentet e Paladinos për Obamat, u dënuan nga figura të rëndësishme përfshirë edhe guvernatorin e Nju Jorkut, Andreë Cuomo, i cili mposhtu Paladinon në zgjedhjet e vitit 2010. Një zëdhënës i Trump theksoi se komentet ishin “tërësisht të dënueshme dhe se ato nuk kanë vend në diskursin publik”.
Paladino vizitoi kullën Trump më herët gjatë këtij muaji, e tha për stacionin televiziv të Bufalos se kishte kaluar gati një orë me presidentin e zgjedhur dhe me anëtarët kyç të rrethit të tij të brendshëm.
“Ishte një bisedë e gjerë për të gjithë njerëzit në shtet që ishin në ekipin tim”, raportoi gazeta të ketë thënë Paladini. “Folëm për njujorkezët që mund të kenë një rol, si të strukturojmë emërimet dhe besoj se do të kem mundësi të bëj rekomandime”.
Përgatiti: Juli Prifti – /tesheshi.com/
