Nënkryetari i PD-së, Edi paloka, ka reaguar ndaj deklaratave të fundit të ambasadorit amerikan, Donald Lu.
Paloka shkruan se ambasadori iu tregoi shqiptarëve se vendi është nën sundimin e 4 klaneve, por jehona në media e këtyre deklaratave do të zëvendësohet nga shfaqja e radhës.
“Pak ditë më parë ambasadori i SHBA ju tregoi shqiptareve se çfarë bëhet me një qeveri që nuk i përgjigjet interesave të qytetarëve të saj. Sot iu tregoi se Shqipëria, vendi ynë, është nën sundimin e katër klaneve dhe 20 familjeve kriminale.
Askush nuk u mallëngjye nga këto të vërteta dhe me siguri në media jehona e këtyre deklaratave do të shuhet shpejt për t’i lënë vend shfaqjes së radhës.
Por kjo do të thotë të fusësh kokën në rërë si struci, se fshehja në media nuk e ndryshon realitetin që shqiptarët e përjetojnë çdo ditë. Kjo nuk ndryshon as fundin e histories. Të gjithë e dinë si e filloi dhe si përfundoi Noriega. i njëjtë do jetë fundi dhe për Noriegën e Ballkanit”, shkruan Paloka. /tesheshi.com/
