Kryeministri Rama kërkoi që SPAK të godasë fortë ata që i quajti “peshkaqenë të vjetër politikë”, si dhe të larguarit nga vettingu,
Gjatë takimit në prezantimin e rezultateve të raportit të Grupit të Shteteve Kundër Korrupsionit, ku të pranishëm qenë dhe ambasadorën Kim dhe Soreca, Rama tha se “kjo është premisa që presin nga SPAK”.
“Në të kundërt, SPAK do jetë zhgënjimi më i madh dhe do jetë goditja morale për të gjithë popullin shqiptar. Do jetë dështimi më i madh i të gjithë partnerëve të Shqipërisë.
SPAK ka për mision që të pastrojë deri në fund të gjithë ata që janë pastruar nga sistemi. Duhet t’i pastrojë deri në fund dhe nga jeta shoqërore dhe t’i dërgojë prapa hekurave. Kjo do të jetë kthesa e madhe që do ta bëjë Shqipërinë europiane këtu.
Koka e korrupsionit në Shqipëri nuk janë politikanët, por ka qenë koorporata e këtyre gjyqtarëve dhe prokurorëve, që kanë krijuar sistemit të pandëshkueshmërisë. Po mos të kishin qenë këta, nuk do ishte dhe korrupsioni spektakolar i politikanëve. Nëse nuk vendoset në themel të sistemit të drejtësisë kurbani i korrupsionit 30-vjeçar që është fiks tek ajo që vettingu që është shpërbërë, nëse nuk ndodh, historia do të përsëritet dhe shumë keq“, tha Rama.
Nga ana tjetër, ambasadorja amerikane pëkrahu Ramën kur tha se “po e bëtë këtë do fitoni besimin e njerëzve”.
“Nëse Shqipëria vijon në këtë rrugë do të bëhet një model”, theksoi Yuri Kim. /tesheshi.com/
