Kryeministri çek Andrei Babis tha pas një takimi të rregullt joformal me presidentin Milos Zeman se çështja e tërheqjes së njohjes së pavarësisë së Kosovës sigurisht që do të diskutohet në një takim koordinues të politikës së jashtme.
“Presidenti kërkon një rezolutë të Dhomës së Përfaqësuesve në të cilën deputetët i kërkuan qeverisë së kryeministrit të atëhershëm Mirek Topolanek që të mos e njohë pavarësinë e Kosovës. Ne do ta diskutojmë këtë në një takim ku do marrin pjesë dy ministrat, ai i Brendshëm dhei Punëve të Jashtme, Presidenti i Senatit dhe Kryetari i Dhomës së Përfaqësuesve”, tha Babis për mediat çeke.
I pyetur nëse refuzoi ndryshimin e qëndrimit për të njohur Kosovën, ai u përgjigj negativisht.
“Unë nuk e them këtë. Unë bisedova me presidentin për të. Presidenti thotë se qëndrimi ynë ishte gjithashtu për faktin se ne kishim dy javë në NATO, pra se ishte një vendim politik, por që mendimi i tij për njohjen e Kosovës ishte negativ”, tha Babis.
Gjatë një vizite në Serbi javën e kaluar dhe në një takim me presidentin Aleksandar Vuçiç, Zeman tha se ai dëshironte të diskutonte me zyrtarët e lartë të vendit mundësinë e tërheqjes së njohjen e Kosovës, ndërsa në reagimin e parë, kryeminsitri Babis tha se nuk sheh asnjë arsye që Republika Çeke të ndryshojë qëndrimin e saj për këtë çështje.
Pasi zbriti në aeroportin e Beogradit, Zeman tha se ai e do Serbinë dhe serbët, por nuk e donte Kosovën.
E kjo ndodhi paralel me fitoren e Kosovës ndaj Çekisë në futboll në kuadër të eliminatoreve të Europianit 2020. /tesheshi.com/
