Deklarata e një ambasadori të Katarit për Kupën e Botës shkaktoi reagime gjatë një interviste televizive në Gjermani, kur atij iu kërkua të fliste për homoseksualitetin.
Në veçanti, rreth dy javë para fillimit të Kupës së Botës, futbollisti veteran i Katarit Khalid Salman foli për stacionin televiziv gjerman ZDF dhe përmendi çështjen e homoseksualitetit, i cili është i paligjshëm në Katar.
Vendi i Gjirit pret më shumë se një milion vizitorë për Kupën e Botës dhe Salman theksoi se “kushdo që shkon në Katar për turneun duhet të sillet sipas rregullave të vendit”.
“Ata duhet të pranojnë rregullat tona këtu,” tha ai, në një fragment nga intervista.
“(Homoseksualiteti) është haram. A e dini se çfarë do të thotë haram (e ndaluar)?”, vazhdoi ai.
I pyetur pse është “e ndaluar”, Khalid Salman: “Unë nuk jam musliman i rreptë, por është haram, sepse është dëmtim i mendjes”.
Intervista u ndërpre pothuajse menjëherë pas asaj deklarate, ndërsa Reuters kontaktoi FIFA-n dhe organizatorët e Kupës së Botës në Katar për koment mbi deklaratën.
Organizatorët kanë deklaruar vazhdimisht se të gjithë njerëzit janë të mirëpritur në vend për Kupën e Botës.
Megjithatë, homoseksualiteti është i paligjshëm në vendin konservator musliman dhe disa futbollistë kanë ngritur shqetësime për të drejtat e tifozëve që udhëtojnë për ngjarjen e madhe, veçanërisht të personave LGBTI dhe grave, të cilat grupet e të drejtave thonë se ligjet e Katarit i diskriminon. /tesheshi.com/
