Lideri i Hamasit, Ismail Haniya, e cilësoi çdo zgjidhje politike të pasluftës në Rripin e Gazës pa pjesëmarrjen e “lëvizjeve të rezistencës” palestineze si një “iluzion”.
Ai madje u shfaq i gatshëm për negociata kur tha se “ne jemi të hapur për të diskutuar çdo ide apo iniciativë që mund t’i japë fund sulmeve izraelite dhe t’i hapë rrugën palestinezëve për t’u vendosur si në Bregun Perëndimor ashtu edhe në Rripin e Gazës”.
Por ai argumentoi se “çdo marrëveshje për Gazën ose çështjen palestineze pa Hamasin ose lëvizjet e rezistencës, është një iluzion”.
Ishte ky një reagim ndaj pretendimeve të Izraelit se Gaza do jetë e tyre pas lufte, gjithnjë duke besuar se do ta eliminojnë Hamasin. Por në realitet, rezistenca palestineze po shfaqet një sfiduese reale dhe gati e pamposhtur e ushtrisë hebreje. /tesheshi.com/
