Ndonëse pak pas shpërthimeve terroriste pranë stadiumit të Beshiktashit në Stamboll në orët e mbrëmjes të së shtunës u lajmërua vetëm për të plagosur, ajo çka dihet tani është se ka dhe të vrarë.
Një deklaratë e presidentit turk e konfirmon lajmin për viktima nga sulmet terroriste.
“Fatkeqësisht, ka të vrarë e të plagosur,” thuhet në deklaratën e presidentit Erdogan.
Një gjë e tillë pohohet dhe në një deklaratë të shkruar të kryeministrit Binali Jëlldërëm.
Rreth 70 raportohet të jenë të plagosurit, edhe pse nuk bëhet fjalë për një shifër zyrtare. Ende nuk ka një raportim të numrit të të vrarëve.
Dy shpërthimet u kryen pak pas mbarimit të një takimi të Superligës turke në “Vodafone Arena”. Një prej shpërthimeve ka ardhur prej një makine me lëndë shpërthyese, teksa mendohet që tjetri të jetë kryer nga një kamikaz. /tesheshi.com/
