Lista e personave që kanë përfunduar nën shënjestrën e bombardimeve ruse në Siri është mjaft e gjatë. Kjo është deklarata dhe denoncimi i fundit i observatorit sirian për të drejtat njerëzore, i cili iu referohet 23 civilëve, mes së cilëve gra e 7 fëmijë, të cilët u vranë gjatë sulmeve në Idlib, në verilindje të Sirisë, pas sulmeve ruse në qytet. Dhjetë bombardime ajrore kanë vënë në shënjestër zonën e spitalit.
Sipas raporteve të aktivistëve, mendohet se lista e personave të vrarë nga rusët në Siri nga muaji shtator e deri më sot është rreth 2100 civilë. Mes tyre mbi 300 janë femra dhe plotë 500 janë fëmijë. Gjatë tetë muajve të sulmeve në mbështetje të qeverisë Assad, janë eliminuar mbi 4 mijë xhihadistë të ISIS, ushtarë të al Nusra dhe fraksioneve të tjera.
Sa i takon sulmit ndaj spitalit në Idlib të vënë në shënjestër nga rusët, observatori thotë se nuk është një rast i izoluar. Më 27 prill humbën jetën të paktën 50 persona, mes së cilëve edhe pediatri i fundit i zonës, në Alepp, gjithmonë në Siri. Të dhënat e Kombeve të Bashkuara janë gjithashtu alarmante: në Siri janë regjistruar të paktën 60 sulme në strukturat shkollore, 9 raste në shkollat ushtarake dhe 28 sulme mbi strukturat sanitare çdo ditë. /tesheshi.com/
