Lulzim Basha ka dashur të godiste Edi Ramën sot në daljen për gazetarëve, por ka prodhuar një problem të ri.
Duke irononizuar deklaratën e kryeministrit për një “President Kombëtar”, kreu i PD-së, tha se “nuk kemi nevojë për një hajdut më shumë”.
Por Astrit Patozi, ish-numri dy i PD-së i ka kërkuar të kafshojë buzën.
“Kosova dhe Shqipëria nuk paskan nevojë për një hajdut më shumë, ndaj edhe idea e Edi Ramës për një president të përbashkët nuk paska vlerë. Kështu paska thënë sot me plot gojën Lulzim Basha.
Pyetja është se kush janë hajdutët e momentit dhe këtu nuk ka shumë vend për dilema. Pasi të dy shtetet shqiptare kanë vetëm nga një president, aktualisht.
Por më e rëndë se kjo qenka mllefi i Lulzimit për “klasën politike” shqiptare të këtej dhe andej kufirit. A thua se ka zbritur në Shqipëri sot dhe nuk ka qenë asnjë ditë ministër, kryetar bashkie apo udhëheqës i opozitës.
Edhe mua ma shpif kjo gjoja shpikja e Edi Ramës për president të përbashkët të Shqipërisë dhe Kosovës, por kurrësesi për arsyen idjote të Lulzim Bashës. i cili fiton më shumë kur nuk flet apo shkon me pushime jashtë shtetit çdo fundjavë, sesa kur shprehet apo kur bën sikur e ka seriozisht aksionin politik”, shkruan Patozi në rrjete sociale. /tesheshi.com/
