Nuk është një parashikim i ardhur nga metereologët, por nga kreu i Emergjencave Civile shqiptare, Shemsi Prençi. Sipas tij, reshjet e dëborës do të zbresin deri në lartësinë 200 metra, që mund mundet të prekin pra edhe zonën bregdetare.
Prençi tha se aktualisht 1/3 e vendit është nën dëborë, dhe sipas tij në tre ditët e ardhshme do të ketë ulje të temperaturave deri në – 20 gradë, ku edhe Shqipëria e mesme do të ketë ngrica.
“Kompanitë kontraktore nuk kanë kripë mjaftueshëm për të përballuar situatën, sot janë marrë masa urgjente për t’u furnizuar të gjitha me kripë mjaftueshëm për të përballuar situatën. Janë ngritur shtabet e emergjencave në të gjitha qarqe”, theksoi Prençi në një raportim në lidhje me situatën në terren. /tesheshi.com/
