Për herë të parë në 50 vitet e fundit ka rënë borë në pjesën jugore të Marokut, ku drunjtë e palmave janë mbuluar me një shtresë dëbore, një dukuri kjo e pazakontë për këto zona.
Shërbimi meteorologjik maroken tha se bora ra në afërsi të Zagorës, në juglindje të vendit, dhe se kjo ishte rezultat i valëve të akullta që erdhën në këtë vend.
Në Zagora, ranë pesë deri tetë centimetra borë, shkruan Washington Post.
Gazeta kujton se në fillim të janarit kishte rënë borë në shkretëtirën më të nxehtë në botë, atë të Saharës. Ky fenomen është rezultat i valëve të akullta, të cilat goditën qytetin e Ain Sefru, në veri të Algjerisë.
Në video regjistrime shihen gjurmë të dëborës dhe dunave të rërës të mbuluara pjesërisht me borë.
Kjo është hera e tretë në katër dekadat e fundit që ra borë në Ain Sefri, ku temperatura e dimrit ka rënë 10 gradë nën zero. /tesheshi.com/
