Gramoz Ruçi dhe Sali Berisha u përfshinë në debate mes tyre, duke bërë që punimet e seancës të ndërpriteshin për 5 minuta.
Shkaku ishte se kryeparlamentari i ka mbylli mikrofonin ish-kryeministrit duke i kujtuar Berishës se koha e tij kishte mbaruar.
Berisha po fliste për eksiztencën e një makine “droge” që i ka shërbyer kokave të krimit, që sipas tij janë të lidhura me vëllain e kryeministrit Edi Rama.
“Edi Rama, je nëna e krimit. E mbushe Shqiperinë nga jugu në veri me kanabis. Deklarove se kemi prerë 2 milion e 400 mijë rrënjë, ku janë këto tonelata drogë? i mbron ti, si një pasuri e madhe!
AA635 DM, kjo është targa e kësaj makine. Kjo është makina e transportit të kokainës. Shko pyet tek krimet e rënda nëse je e interesuar për të vërtetën. Kush ka qenë pasagjer i kësaj makine. Pasagjer ka qenë, Genci Kasem Xhixha, djali i sponsorizuesve kryesore të Edi Ramës.
Ka qenë karteli i Xibrakës, Ermal Ilir Hoxha, pasagjer tjetër i rregullt ka qenë Olsi Kritaq Rama…”, tha Berisha.
Në këtë moment, mikrofoni i është fikur teksa Gramoz Ruçi i ka kërkuar Berishës që të ulet pasi koha e tij kishte mbaruar.
“Mos blloko seancës se do të marr masa, të lutem. IT është më e fortë se ty dhe mua”, tha Ruçi.
Por Berisha ka vijuar të flasë edhe pse pa foni. Në këto momente Gramoz Ruçi i ka tërhequr vëmendjen duke i bërë vërejtje dhe duke e paralajmëruar se sipas rregullores, kushdo që pushton aulën e parlamentit përjashtohet nga punimet e kuvendit.
“Kur pushton foltoren përjashtohesh nga seanca. Po të plotësohet koha 2 minutëshe. Vërejtje sipas nenit të rregullores në këtë çështje, atëherë 5 minuta pushim derisa Berisha të kuptojë që ka shkelur rregulloren. Po të kujtoj se të kam bërë vërejtje, pas kësaj vjen pezullimi”, tha Ruçi. /tesheshi.com/
