Kryetari i Partisë Socialiste do të vazhdojë të zgjidhet me zgjedhje direkte nga e gjithë anëtarësia, por do të ketë rregulla strukte për kohën dhe mënyrën e votimit.
Fatmir Xhafa, kreu i grupit për ndryshimet statutore në Partinë Socialiste ka paraqitur sot disa pika të draftit të ri, i cili pritet të miratohet në Kongresin e muajit mars.
Xhafa deklaroi se dokumenti i ri i socialistëve do të paraqesë edhe problemet që ka pasur ndër vite funksioni si dhe së fundmi janë hapur mjaft polemika në kuadër të debatit Rama- Blushi.
“Ka një sërë rrethanash që e bëjnë të nevojshme ndryshimin e statutit të ri të PS. Është reflektim dhe i problematikave të shfaqura dhe gabimeve të bëra”, tha Xhafa.
Në draft nuk ndryshon parimi i zgjedhjes së kryetarit të partisë në bazë të parimit një anëtar një votë por “duke bërë specifikim të rastit kur partia është në opozitë dhe kur është në qeverisje”.
Xhafa tha se në statut do të ndryshojnë edhe rregullat e financimit, por do të vendoset pika e konfliktit të interest. Për këtë Fatmir Xhafa nuk bëri asnjë specifikim, edhe pse u pyet nga reporterët.
/tesheshi.com/
