Udhëheqja e Kombeve të Bashkuara ka thënë se jeta e të gjithë njerëzve, si të pasurve ashtu edhe emigrantëve, duke komentuar kështu debatin se pesë personat që humbën jetën në nëndetësen turistike Titan morën më shumë vëmendje se sa emigrantët e shumtë që mbytën në det.
Zëvendës-zëdhënësi i OKB-së, Farhan Haq, iu përgjigj pyetjeve të gazetarëve për këtë temë në konferencën e përditshme për shtyp.
Duke u shprehur se është i kënaqur që gazetarët filluan diskutimin se pesë personat që humbën jetën në Titan tërhoqën më shumë vëmendje sesa qindra emigrantë që vdiqën, transmeton Anadolia.
“Ne respektojmë përpjekjet për të shpëtuar jetën e të gjithë njerëzve, pavarësisht nga të ardhurat e tyre. Të gjitha jetët janë të çmuara, por qeveritë duhet të bëjnë përpjekje serioze për të mbrojtur emigrantët”, tha Haq.
Duke theksuar se duhet të ndërmerren më shumë hapa për çështjen e emigrantëve, Haq theksoi se jeta e emigrantëve dhe e atyre që humbën në Titan janë të çmuara.
Më herët, ish-presidenti Barack Obama kritikoi mediat perëndimore se nuk i kushtuan vëmendje të mjaftueshme katastrofës së një anijeje me emigrantë që ndodhi në brigjet e Greqisë dhe shfaqin interes të madh për historinë tragjike të një grup njerëzish që vdiqën teksa përpiqeshin të shihnin rrënojat e Titanic-ut nga një nëndetëse turistike.
Një numër i përdoruesve të mediave sociale i janë bashkuar debatit për diskriminimin e pretenduar midis emigrantëve dhe elitave të pasura. /tesheshi.com/
