Partia Demokratike nuk do të dorëzohet përballë kërkesës së tyre, për të patur diskutime të gjata për komisionin e reformës zgjedhore para se ai të konstituohet.
Burime nga PD bëjnë të ditur se në mbledhjen e deputetëve, Basha ka kërkuar zhvillimin e një seance të posaçme debate në lidhje me këtë komision. Burimet bëjnë të ditur se në këtë takim, kreu demokrat theksoi kjo seancë mund të mbahet të hënën.
Në këtë kuadër, mësohet se PD do të paraqesë kërkesën në Kuvend për zhvillimin e një séance të tillë, duke mos hequr dorë nga qëndrimi i mbajtur sot, sipas të cilit ngritja e komisionit ad-hoc për reformën zgjedhore duhet të shoqërohet me diskutime.
Burimet nga PD bëjnë të ditur se në Kuvend do të denoncohen shkeljet e evidentuara nga Task Force për zgjedhjet e 25 qershorit, por edhe faktet e mbledhura nga deputetët demokratë sipas qarqeve. /tesheshi.com/
