Pak ditë më parë bashkia e Malësisë së Madhe vendosi të rrëzojë kullën e Prek Calit në Vermosh me argumentin se ishte pa leje.
Ky veprim shkaktoi debate jo vetëm politike, por edhe mes historianëve mbi figurën e Prek Calit.
Kulla po restaurohej me fonde të mbledhura nga shqiptaro-amerikanët, por sipas bashkisë punimet po kryheshin pa lejen e institucioneve.
Opozita akuzoi kryeministrin Edi Rama se prishi kullën e anti-komunistit të parë Prek Cali. Debatit iu bashkua edhe Tom Doshi, i afërm me Prek Calin, duke premtuar ringritjen e Kullës brenda vitit të Skënderbeut, të shpallur nga Edi Rama.
Por, antropologu i njohur, profesor Nebi Bardhoshi ka vënë në dukje një detaj me të vërtetë të habitshëm, në Wikipedia, informacioni për Prek Calin është ndryshuar (përditësuar) më datë 8 shtator të këtij viti, ku është shtuar se ai ka bashkëpunuar me pushtuesit fashistë.
Komenti i Nebi Bardhoshit
“Prek Cali njihet si burre i kufinit ne çdo kuptim. Por skisha me fol për shëmbjen e shtëpisë së tij pa u konsulta me nge me fakte. Por çka më bëri të shkruaj këto dy-tre rreshta është se teza që kisha në mendje u vu në mëdyshje kur pash profilin e këtij burri në Wikipedia në anglisht.
Teza ime ishte se shembja e shtëpisë se Prek Calit buronte prej marrisë. Por kur sheh se profili i Prek Calit ka ndryshuar (përditësuar) me datë 8 shtator të këtij viti, atëherë të bën të mendosh se ky burrë edhe ketë herë është marrë seriozisht. Prandaj aty janë, kujdes me nënvizu se ai ka qenë bashkëpunëtor me fashistët”. /tesheshi.com/
