Nga Blendi Gashi
Për dallim nga sancat e viteve të tjera për Demarkacionin ku sapo niste përfundonte qoftë për shkak të gazit lotsjellës apo mungesës së 80 votave, Kuvendi i Kosovës pas tre vitesh ka nisur të debatojë normalisht për këtë marrëveshje, pa gazë, pa gjuajtje me vezë e ujë dhe pa shtyerje mes deputetëve.
Ndërsa dikur kundërshtari më i madh i Demarkacionit, kryeministri aktual Ramush Haradinaj kërkoi votën e opozitarëve LDK-së e Vetëvendosjes për ratifikimin e kësaj marrëveshje, pasi tha se është votë për integrimin evropian të Kosovës, këto të fundit ja kujtuan aktivitetin si opozitar.
Vetëvedosje përveç që konfirmoi votën kundër përmes kreut të grupit parlamentar Glauk Konjufca, zhvilloi edhe një aksion simbolik ku vendosën peticionin me 205 mijë nënshkrimet e qytetarëve të që janë shprehur kundër Demarkacionit tek ulësja e Kuvendit duke ja bllokuar daljen për tek foltorja.
Ajo çfarë ka rënë në sy është qëndrimi i kryeministrit Haradinaj i cili ju ndihmojë vetëvendosësve t’i vendosin këto peticione, çka shkaktoi edhe të qeshura.
“Këtu t’i kemi sjellë në Kuvend zërat e 205 mijë qytetarëve, nënshkrimet e të cilëve i ka mbledhur bashkë me ne, të cilët me zë të qartë kanë bërë thirrje të rrëzohet ky Demarkacion. Edhe vetë ke bërë përpjekje fizike për t’i sjellë në kuvend. E kemi një lutje dhe një kërkesë: Mos ua kthe shpinën qytetarëve”, i tha Konjufca, kryeministrit Haradinaj.
Hardinaj më pas ka marrë një nga peticionet dhe ka nisur ta lexojë.
LDK – Ramushit: Pas votimit të Demarkacionit, dorëhiqu!
Edhe LDK-ja ja kujtoi Ramushit si opozitar i e kundërshtoi marrëveshjen duke thënë se tash po e pranon të njëjtën e 2015-tës që e nënshkroi Thaçi.
Ai më pas ngacmoi Haradinajn ku ja përmendi gazin lotsjellës dhe protesten e bërë.
“Seanca e sotme do të zhvillohet pa gaz lotsjellës e dhunë ndaj kryeministrit. Jemi të drejt morale që të sulmojmë kryeministrin i cili dikur përdori dhunë por nuk po e bëjmë. Më vjen mirë që sot Kuvendi nuk po bëhet gaz i botës e as nuk është futur gaz brenda. Asnjëherë tash e tri dekada nuk kemi marr asnjë veprim që e dëmton vendin. Deklarata e presidentëve është konfirmim i marrëveshjes, ndërsa marrëveshja nuk ka ndryshuar nga ajo e 2015-tës. Më vjen mirë që marrëveshja po mbështetet nga një pjesë e opozitës së atëhershme”, tha Hoti.
Ai më pas ripërsëriti kërkesën e partisë së tij që pas ratifikimit të marrëveshjes së Demarkacionit kryeministri Haradinaj duhet të japë dorëheqje.
Kuvendi i Kosovës po vazhdon me seancën ku deputet të mazhorancës dhe opozitës po shprehin qëndrimet e tyre për marrëveshjen për Demarkacionin dhe kjo seancë pritet të zgjasë deri orët e vona pasi pritet të flasin mbi 32 deputet, andaj nuk dihet nëse marrëveshje do hidhet sonte në votim apo jo, kjo për shkak se mbetet e paqartë nëse koalicioni qeverisës ka siguruar 80 votat e nevojshme.
Kujtojmë se Lista Serbe ashtu siç ka deklaruar ka braktisur këtë seancë pasi disa herë zyrtarë të saj kanë thënë se atyre nuk ju intereson kjo çështje.
/tesheshi.com/
