“Opinion”-i i së enjtes mbrëma kishte si temë debati çështjen e 7 ushtarëve grekë – të konsideruar si shqiptarë – të cilët kanë pozuar me shqiponjë në gjoks.
Por titulli i temës kishte një problem.
Aty shkruhej: “Shqiponja që përlasi Tiranën me Athinën”.
Por në fakt nuk ka patur asnjë përplasje mes tyre.
Dhe kur thuhet Tirana dhe Athina, kihen parasysh politikat e tyre zyrtare.
Në tre ditë të këtij debati, gjithçka është përqëndruar tek Athina, pasi në këtë rast Tirana zyrtare nuk ka çfarë qëndrimi të mbajë, siç dhe nuk ka mbajtur.
Ushtarët e shqiponjës janë zyrtarisht shtetas grekë dhe qeveria shqiptare nuk ka tagër t’u dalë në mbrojtje atyre.
Ndaj dhe pra nuk ekziston asnjë përplasje zyrtare, siç përcillet nga konotacioni i titullit.
Ndërsa përplasjet që mund të jenë në rrafshin mediatik, nuk përfaqsojnë as Tiranën e as Athinën. /tesheshi.com/
