Duke komentuar debatin mbi atë se a është e nevojshme që të gjithë njerëzit të veshin maska për fytyrën, Presidenti amerikan Donald Trump tha se ishte më mirë që njerëzit të përdorin një shall.
“Ne do të marrim vendimin r maska, pra për ata njerëzit që duan të mbajnë maskë. Por unë mendoj se është më mirë të vendosësh një shall në fytyrë. Shalli është dhe më i trashë. Ne nuk jemi që të mbahen maska”, tha Trump në një konferencë për shtyp në Shtëpinë e Bardhë, duke vënë në dukje se ata janë në një periudhë kritike të luftimit të COVID-19.
“Eshtë shumë e rëndësishme që t’i përmbahemi të gjitha masave që kemi marrë gjatë katër javëve të ardhshme. Fati ynë është në duart tona”, tha Trump.
Duke theksuar se mbi 100,000 njerëz testohen çdo ditë për koronavirus në SHBA, ai vuri në dukje se gjashtë kompani janë licencuar për të prodhuar pajisjet e frymëmarrjes së detyruar.
Trump gjithashtu tha se ai ishte testuar për koronavirus për herë të dytë këtë mëngjes, dhe se konstatimi ishte negativ, duke shtuar se i gjithë procesi zgjati rreth 15 minuta.
“Ky është testi i dytë që bëra. E bëra për të parë se sa shpejt kryeheshin testet e reja,” tha ai.
Trump komentoi edhe furnizimet mjekësore të blera nga Rusia që mbërritën në New York dje.
“Rusia bëri një ofertë të mirë dhe ne e pranuam atë”, tha presidenti amerikan. /tesheshi.com/
