Një murale te një prej godinave të Qytetit Studenti po provokon debat, pasi kritikë të saj pretendojnë se përcjell mesazhe LGTB, duke e ndërlidhur këtë me tendencat e pretenduara të kryebashkiakut Veliaj. Në fakt nuk është fort e qartë nëse vërtet është fjala për një tranverstit. Së paku kjo është mohuar nga autori, jo shqiptar por spanjoll.
Sasha Primo tha për Euronews Albania se “çfarë pikturova nuk është drejtpërdrejtë e lidhur me komunitetin(LGBT), por më pëlqen që njerëzit lirisht mund ta interpretojnë veprën time”.
“Dua që vepra ime të jetë e hapur për këdo që të shohin dhe të vlerësojnë atë që duan”, shtoi Primo.
Sipas Bashkisë së Tiranës, artisti në fjalë pasi mbaroi një murale brenda një kohe të shkurtër për “Mural Fest” kërkoi të realizonte një të dytë, i frymëzuar nga një grua rome që kërkonte lëmoshë te pallati ku ai kishte punuar.
Gjithsesi, në një shoqëri me krizë të rëndë morale, nuk është se aty përcillet një moral i caktuar.
Për krahasim, kur Rama si kryebashkiak u dha kolorit pallateve, aty nga viti 2000 e tutje, në disa sosh potencoheshin fraza të mirësjelljes njerëzore. /tesheshi.com/
